現年67歲的國際級巨星周潤發（發哥）出名親民，經常被市民在街頭野生捕獲，他都有求必應任影唔嬲，熱愛運動的發哥，在圈中更充當運動大使，經常鼓勵圈中人一齊行山，79歲的盧海鵬在2018年健康亮起紅燈，曾接受過“通波仔”手術，其后周潤發每天均會揸車到其寓所接載出行，齊齊到大美督會合黃日華、劉江及苗僑偉夫婦結伴運動，鵬哥稱全靠周潤發推動，由之前行都未得，到現在可以半行半跑、慢跑5公里，身體也變好了，鵬哥更爆發哥更會在休息期間化身醫師，幫一眾跑友進行小腿推拿及腳底按摩！近日吳君如亦加入了跑步行列，相約發哥齊齊做運動，其后更在IG限時動態上載兩人的行山影片，一頭銀發的發哥身形fit 爆，在全黑貼身的運動服下，6塊腹肌若隱若現，搞到比發哥年輕10年的吳君如擔心“跟唔上”。

▲手臂完全結實冇贅肉。

▲近日吳君如亦加入了跑步行列。

吳君如在片中興高采烈說：“今日行嚇山，跑嚇步，但係我而家嘅心情好緊張，個心卜卜跳，我驚我今日應付唔到呢場挑戰。”接著吳君如再貼上一條發哥的背影片：“我好緊張，后面嗰個係聞名不如見面嘅‘跑步王’，你估嚇佢係邊個？”片中發哥的發型變成銀白色的平頭look，身穿一身黑背心長褲，6舊腹肌若隱若現，再加上手臂完全結實冇贅肉，身形Fit爆。

以上內容歸星島新聞集團所有，未經許可不得擅自轉載引用。